CHANGAMOTO KATIKA TASISI



FUNGU: Mwanzo 16:6; Naye Abram akamwambia Sarai, Tazama, mjakazi wako yu mkononi mwako, mtendee lililo jema machoni pako. Sarai akamtesa, naye akakimbia kutoka mbele yake.


1.0 UTANGULIZI:
Nawasalimu katika jina la Bwana wetu Kristo; Bwana Yesu Asifiwe binti na wana za Mungu. kwanSomo la leo linatoka katika kitabu cha Mwanzo 16:1-15, na Mwanzo 21:1-21. Mada itajikita katika tasisi iitwayo familia. Swali: Kwa nini familia iitwe tasisi? Tusome kwanza Mwanzo 16:1-15, na Mwanzo 21:1-21 kisha tuanze somo.

2.0. KIINI CHA SOMO:
Aya zote tulizosoma zinamhusu familia ya Abram ambaye ni Ibrahimu pamoja na mkewe Sarai ambaye ni Sara. Familia ya Ibrahimu na Sarai ilikuwa na mjakazi (mfanyakazi au dada wa kazi) aitwaye Hajiri mwenye asili ya Misiri.

Familia hii ya Abram na Sarai haikuwa na mtoto, toka wameoana. Kadri miaka iliposonga, Serai akamshauri Abram mumewe azae na kijakazi aitwaye Hajiri (Mwanzo 16:2-4).  Hajiri alijifungua mtoto wa kiume aliyeitwa Ishimael (Mwanzo 16:11).

Japo Sarai alimruhusu mumewe kuzaa na kijakazi, matokeo hayo hakuyakubari. Baada ya Mungu kufanya agano na Ibrahimu, Mungu alimpatia mbaraka wa mtoto kupitia kwa mkewe Sara (Mwanzo 21:1-3). Kuzaliwa kwa Isaka, Ibrahimu alikuwa na miaka 100 na Sara miaka 90.

Hivyo, baada ya Sara kuzaa, familia ikawa na watoto wawili ambao ni Ishimaeli kutoka tumbo la Hajiri (mjakazi) na Isaka kutoka tumbo la Sara mke halali wa Ibrahimu. Watoto hawa ndio chanzo cha mgogoro uliowatenganisha makazi baina ya Hajiri na Sara (Mwanzo 21:8-10), ambapo Sara alifukuzwa pamoja na mwanae aitwaye Ishmaili.

Kupitia familia ya Ibrahimu na Sara, kunamambo machache ya kujifunza:

1. Ibrahimu mfano wa mwanamume anayesikiliza ushauli wenye tija kutoka kwa mkewe (Mwazo 16:2-3), mwenye kusimamia haki (Mwanzo 16:6, 21:10-11).

2. Sara mfano wa mwanamke mwenye kigeugeu, (Mwanzo 16:5); mwenye jeuri na asiye na subira (Mwanzo 21:8-10):

3. Mara zote, Mungu hamuachi mtu anayeonewa pasipo kutendewa haki (Mwanzo 16:6-15).

4. Mungu mwenye uweza wa kuwapa watoto hata walio vikongwe (Mwanzo 17:15-17).

5. Ibrahimu kielelezo cha baba mwenye familia anayefuata maelekezo ya Mungu nje ya utashi wake mwenye (Mwanzo 21:10-12).

6. Ibrahimu mfano wa baba mwenye huruma katika familia (Mwanzo 21:14).

7.  Mungu husikia sauti ya yeyote anayemwita katika matatizo (Mwanzo 21:15-20).

8. Heshima ya mama wa familia hushuka pale jukumu lake kwa mumewe linapochukuliwa na kijakazi (Mwanzo 16:4).

9. Uadui wa wazazi huhamia pia kwa watoto kwani chuki hupandikizwa juu yao (Mwanzo 21:9).

10. Mama mwenye upendo hawezi kuvumilia kumuona mtoto wake akifa huku akiona (Mwanzo 21:15-16).

3.0 HITIMISHO:

Hareluyaaaa!! Bwana awabariki

Comments

Post a Comment

Thanks for viewing and passing through NMEE blog. Keep following the blog

Popular posts from this blog

MAJINA YA WANAWAKE KATIKA BIBLIA ‘A’ HADI ‘Z’

            Kuanzia sura hii ya tatu na sura kadhaa zitakazofuata zitahusu wanawake baadhi waliotajwa majina yao katika Biblia. Hivyo, wanawake waliotajwa majina yao katika Biblia, nimejaribu kuwagawa kwa kufuata mpangilio wa herufi ya kwanza katika majina yao hadi ya mwisho. Kwa hiyo, unapopitia kila jina la mwanamke kunamambo mengi ya kujifunza katika maisha ya kiroho na ya kawaida, aidha, maana ya jina, tabia, matendo na imani. Abia             Jina hili linamanisha “matakwa ya Mungu” . Wakati mwingine jina hili humanisha Baba yangu ni Yehova. Mwanamke huyu alikuwa mke wa Hesroni, aliyemzalia mumewe mtoto wa kiume aitwaye Ashuri, babaye Tekoa. “Tena, baada ya kufa kwake Hesroni huko Kalebu-Efrata, ndipo Abia, mkewe Hesroni, alipomzalia Ashuri, babaye Tekoa” (1Nyakati 2:24). Abiya             Mwanamke huyu alikuwa mama wa Hezekia, aliyekuja kuwa mfalme na alitawala kwa miaka ishirini na tano (2Wafalme 18:2; 2Nyakati 29:1). Maana ya jina Abiya humanisha “Mungu wangu
Read more

MFANO WA MPANGO KAZI

Image
KANISA LA WAADVENTISTA WA SABATO LIWALE MPANGO KAZI WA OFISI YA MAKATIBU/MAKARANI WA KANISA (2015/2016) UTANGULIZI. Idara/ofisi ya karani/katibu ni idara nyeti ambayo inaunganisha shughuli zote za kanisa. Kutokana na wengi wa wahiriki na viongozi wa kanisa au makarani/makatibu wenyewe kutoipa kipaumbele idara hii ni kwa sababu ya kutojua uthamani wake katika ukamilifu wa safari yetu ya kwenda mbinguni. Kazi ya ukarani imeanza toka enzi za kale, ambapo hadi sasa tunapata takwimu, kumbukumbu na taarifa sahihi kwenye biblia (Mfano; Kutoka 1:1-5 n.k.). Bila huduma za kiukarani biblia ingekuwa kitabu kisichojithibitisa maana kingejichanganya kwa kukosa kumbukumbu. Mambo mengi yameandikwa juu ya umuhimu wa kuweka mpango kwa kila jambo afanyalo mtu. Kanisa hali kadhalika lina wajibu wa kujua madhumuni ya uwepo wake pamoja na mazingira yanayolizunguka kwa kuzingatia umuhimu wake kama inavyosisitizwa katika maandiko matakatifu; kuwahubiri mataifa habari njema ya wok
Read more

SOMO: MADHARA YA KUKATAA KUMTII MUNGU

Image
FUNGU KUU : ( Mwanzo 6:6-8) . “BWANA akaghairi kwa kuwa amemfanya mwanadamu duniani, akahuzunika moyo. BWANA akasema, nitamfutilia mbali mwanadamu niliyemwumba usoni pa nchi; mwanadamu na mnyama, na kitaambaacho na ndege wa angani; kwa maana naghairi kwamba nimewafanya. Lakini Nuhu akapata neema machoni pa Bwana” UTANGULIZI : Katika somo hili “Madhara ya kukataa Kumtii Mungu” limehusisha kitabu kilicho andikwa na Musa hususani sura ya 3, sura ya 4, sura ya 5, sura ya 6 na ile sura ya 7. Katika sura hizi kunamambo makubwa ya kujifunza ili yatujenge katika safari yetu ya wokovu. Tutaona jinsi gani anguko la mwanadamu linavyotokea kwa sababu tu ya kukataa kumtii Mungu pamoja na madhara yake. Katika sura hizo zote; visa vyake vimefupishwa mno katika biblia, hivyo wengi huwa wanashindwa kuelewa mambo mengi na yamsingi. KIINI CHA SOMO : 1. Dhambi iliingia duniani kwa sababu Adamu na Hawa hawakuweza kutii taratibu na sheria za Mungu (Mwanzo 3:1-3). Ukisoma kwa umakini kati
Read more