NGUVU YA MSAMAHA


Katika injili ya Marko 11:25-26 kusameheana kumesisitizwa kama ifuatavyo: 25”Nanyi, kila msimamapo na kusali, sameheni, mkiwa na neno juu ya mtu; ili Baba yenu aliyembinguni awasamehe na ninyi makosa yenu. 26”Lakini kama ninyi hamsamehi, wala Baba yenu aliye Mbinguni hatawasemehe ninyi makosa yenu”

Kwa Nini ni Muhimu Kusamehe?
Zipo sababu nyingi za kusamehe, zifuatazo ni miongoni mwazo:

1.      Kusamehe ni tabia ya Mungu, na wamchao: Mwanadamu ameumbwa kwa mfano wa Mungu (Mwanzo 1:26). Mwanadamu amchae Mungu kwa kweli yote, lazima awe na tabia ya Mungu kwa maana Mungu ni kielelezo cha kwanza cha kusamehe kwa mwanadamu (Isaya 43:25. Isaya 1:18, 1Yohana 1:9).

2.      Kusamehe ni hali ya Upendo: Kama tunda la roho ni upendo vivyo hivyo kusamehe ni tunda la upendo (1Wakorintho 13:4-7). Tabia ya mtu amchae Mungu ni upendo kwa wengine hata kama atakwazwa. Mungu ni pendo, hata mwanadamu pia yampasa awe na upendo utokanao na Mungu. Kusamehe ni ishara na kielelezo cha upendo, kwa hiyo mtu anayesamehe anakiwango kikubwa cha upendo (Yohana 3:16. 1Yohana 4:8. Yeremia 29:11).

3.      Ni kufanya kama Mungu anavyotusame: Kama Mungu anavyomsamehe mwanadamu bila kuchoka binadamu pia yampasa kusamehe wengine vivyohivyo bila kuchoka (Yohana 1:12-13).

4.      Hakuna mwanadamu aliyemkamilifu asilimia 100: Endapo mtu atagundua kuwa, hakuna aliyemkamilifu asilimia zote, basi atakuwa anajua nini maana ya kutoa msamaha kwa wengine. Mwanadamu yeyote hukosea na kukosewa pia. Sio salama mwanadamu kujihesabia haki kuliko mwingine; maana hata yeye akikosea huhitaji kusamehewa pia. (Warumi 3:10, 23).

5.      Kusamehe kunaondoa mawazo ya kulipiza kisasi: Mwanandoa asipojenga tabia ya kusamehe hujenga mawazo ya kisasi; kutosamehe na kuwaza jambo baya juu ya mwingine ni sawa na yule aliyetenda kwa vitendo. Kisasi ni kile unachokirejesha kwa mtu; mfano kumnunia mtu, kutopokea simu yake, kumchongea na kumsema vibaya, kuua au kupanga njama za kuua mtu, kuchawia au kuloga, kumpiga mtu (Warumi 12:19.Yakobo 4: 12).

Madhara Yanayoweza kumpata Mtu Asiposamehe
Tabia ya kutoweza kusamehe hujenga hali au tabia ya kulipa kisasi. Kuwaza kulipa kisasi ni sawa na kutenda katika kulipa kisasi, hivyo mawazo au hatua za kisasi huwa na hasara zifuatazo kwa mmoja au wanandoa wote:

1.      Kunapelekea kujitenga na uwepo wa Mungu: Roho Mtakatifu hawezi kukaa mahali palipo na machafuko au Mungu hawezi akashikamana na mdhambi ambaye anawaza maovu bila kutubu. Kutosamehe kwa mtu huondoa uwepo wa Mungu kwa mtu huyo (Warumi 12:17, 21).

2.      Hupelekea matatizo mengine juu ya mlipa kisasi: Mtu asiyesamehe hutengeza ongezeko la majaribu mengine kumwandama maana mkono wa Mungu unapotoweka Sheteni huweka makazi ili kuzidi kumpoteza mtu huyo. (Mithali 17:13).

3.      Hupelekea kutenda au kuchuma dhambi ya mauaji (1Yohana 3:15, 1Yohana 3:11-12,  Mathayo 5:21-22): Kumuwazia mtu  mwingine babaya, hujenga moyo wa visasi hivyo, kujichumia dhambi ya mauaji maana dhambi hutendeka katika fikra (moyoni) matendo hufuata.

4.      Mtu alipaye kisasi hujiongezea uadui au maadui: Tabia ya kulipa kisasi haitatui tatizo bali huongeza matatizo na maadui

Namna ya Kufanya ili Mtu Aweze Kusamehe
Kusema “nimekusamehe lakini sintosahau” ni kutojua maana ya kusamehe, ili mwanadamu aweze kusamehe, yampasa kusahau kabisa juu ya kosa au baya alilotendewa. Mkristo amchaye BWANA yampasa ajue, kufuata, kufanya na kuyaishi mambo yafuatayo yatakayopelekea kusamehe na kusahau:

1. Ajue kuwa yeye ni mtoto wa Mungu hivyo yampasa kusamehe na kusahau kama Mungu awasameheavyo wanadamu na kufuta makosa yao (1Petro 1:18-19).
2. Ajitahidi kuwaombea mema na kuwapenda adui zake siku zote na siyo kulipa baya kwa baya (Mathayo 5:44-45), hivyo awawazie mema adui zake siku zote (Warumi 12:20-21)
3. Ajue kuwa yeye siye mwenye kujipigania, bali Mungu ndiye huwapigania walio wake, hivyo vita vyote si vyake bali ni vya Mungu mwenyewe na mwanadamu yampasa kumkabidhi Mungu matatizo yake (Ayubu 19:25, 2Nyakati 20:15).
4. Mwanadamu atambue kuwa, vita vyake si juu ya damu na nyama, bali ni ya kiroho zaidi maana pambano kuu bado linaendelea kati ya wema na ubaya yaani Shetani na Kristo (Waebrania 12:2-3, Wagalatia 4:7).
5. Ajuwe kuwa si mtu amkoseae au kumtendea mabaya bali ni Shetani anamtumia mwanadamu kutenda yaliyo maudhi.

Comments

Post a Comment

Thanks for viewing and passing through NMEE blog. Keep following the blog

Popular posts from this blog

MAJINA YA WANAWAKE KATIKA BIBLIA ‘A’ HADI ‘Z’

            Kuanzia sura hii ya tatu na sura kadhaa zitakazofuata zitahusu wanawake baadhi waliotajwa majina yao katika Biblia. Hivyo, wanawake waliotajwa majina yao katika Biblia, nimejaribu kuwagawa kwa kufuata mpangilio wa herufi ya kwanza katika majina yao hadi ya mwisho. Kwa hiyo, unapopitia kila jina la mwanamke kunamambo mengi ya kujifunza katika maisha ya kiroho na ya kawaida, aidha, maana ya jina, tabia, matendo na imani. Abia             Jina hili linamanisha “matakwa ya Mungu” . Wakati mwingine jina hili humanisha Baba yangu ni Yehova. Mwanamke huyu alikuwa mke wa Hesroni, aliyemzalia mumewe mtoto wa kiume aitwaye Ashuri, babaye Tekoa. “Tena, baada ya kufa kwake Hesroni huko Kalebu-Efrata, ndipo Abia, mkewe Hesroni, alipomzalia Ashuri, babaye Tekoa” (1Nyakati 2:24). Abiya             Mwanamke huyu alikuwa mama wa Hezekia, aliyekuja kuwa mfalme na alitawala kwa miaka ishirini na tano (2Wafalme 18:2; 2Nyakati 29:1). Maana ya jina Abiya humanisha “Mungu wangu
Read more

MFANO WA MPANGO KAZI

Image
KANISA LA WAADVENTISTA WA SABATO LIWALE MPANGO KAZI WA OFISI YA MAKATIBU/MAKARANI WA KANISA (2015/2016) UTANGULIZI. Idara/ofisi ya karani/katibu ni idara nyeti ambayo inaunganisha shughuli zote za kanisa. Kutokana na wengi wa wahiriki na viongozi wa kanisa au makarani/makatibu wenyewe kutoipa kipaumbele idara hii ni kwa sababu ya kutojua uthamani wake katika ukamilifu wa safari yetu ya kwenda mbinguni. Kazi ya ukarani imeanza toka enzi za kale, ambapo hadi sasa tunapata takwimu, kumbukumbu na taarifa sahihi kwenye biblia (Mfano; Kutoka 1:1-5 n.k.). Bila huduma za kiukarani biblia ingekuwa kitabu kisichojithibitisa maana kingejichanganya kwa kukosa kumbukumbu. Mambo mengi yameandikwa juu ya umuhimu wa kuweka mpango kwa kila jambo afanyalo mtu. Kanisa hali kadhalika lina wajibu wa kujua madhumuni ya uwepo wake pamoja na mazingira yanayolizunguka kwa kuzingatia umuhimu wake kama inavyosisitizwa katika maandiko matakatifu; kuwahubiri mataifa habari njema ya wok
Read more

SOMO: MADHARA YA KUKATAA KUMTII MUNGU

Image
FUNGU KUU : ( Mwanzo 6:6-8) . “BWANA akaghairi kwa kuwa amemfanya mwanadamu duniani, akahuzunika moyo. BWANA akasema, nitamfutilia mbali mwanadamu niliyemwumba usoni pa nchi; mwanadamu na mnyama, na kitaambaacho na ndege wa angani; kwa maana naghairi kwamba nimewafanya. Lakini Nuhu akapata neema machoni pa Bwana” UTANGULIZI : Katika somo hili “Madhara ya kukataa Kumtii Mungu” limehusisha kitabu kilicho andikwa na Musa hususani sura ya 3, sura ya 4, sura ya 5, sura ya 6 na ile sura ya 7. Katika sura hizi kunamambo makubwa ya kujifunza ili yatujenge katika safari yetu ya wokovu. Tutaona jinsi gani anguko la mwanadamu linavyotokea kwa sababu tu ya kukataa kumtii Mungu pamoja na madhara yake. Katika sura hizo zote; visa vyake vimefupishwa mno katika biblia, hivyo wengi huwa wanashindwa kuelewa mambo mengi na yamsingi. KIINI CHA SOMO : 1. Dhambi iliingia duniani kwa sababu Adamu na Hawa hawakuweza kutii taratibu na sheria za Mungu (Mwanzo 3:1-3). Ukisoma kwa umakini kati
Read more